المقادير
نصف كيلو لحمة مفرومة ضانى خشن
شوية بقدونس ناعمين
بصلة ونصف مبشورة
ملعقتين بقسماط
بصلتين كبار مقطعين حلقات
ملعقة صغيرة ملح وشوية فلفل اسود وشوية بهارات على شوية ارفة ناعمة
ملعقة سمنة
ملعقتين زيت لدهن الصينية
الطريقة
توضع اللحمة المفرومة فى طبق غويط ونبشر عليها البصل وبعدين نضع كل البهارات والسمن والبقدونس و البقسماط
ونقلبها بيدينا جيدا
وبعدين نصبعها على يد معلقة ونكون مجهزين الصينية مدهونة بالزيت ومتقطع عليها حلقات البصل
ونرصها كما فى الصورة
[ندعوك للتسجيل في المنتدى أو التعريف بنفسك لمعاينة هذه الصورة]
وبعدين ندخلها الفرن فى الرف الوسط وتكون النار وسط يعنى مش عالية ومش حرارتها قليلة وسط
وبعد ما تنزل المية بتاعتها وتستوى ممكن تشغلى الشواية من فوق كى يحمر و شها
وتكونى مشغلة فحم على الغاز اول ما تطلعى الكفتة حطى الفحم فى النص وغطيها بالفويل او بالجريدة اللى تلاقيه امامك اكتمى الدخان حتى تشم
ريحة الفحم.
وتخرج من الفرن بهذا الشكل
[ندعوك للتسجيل في المنتدى أو التعريف بنفسك لمعاينة هذه الصورة]
ملحوظة اثناء وهى فى الفرن
ممكن تحضرى سلطة طحينة وسلطة زبادى بالخيار والنعناع
موضوع: طريقه عمل الكفته فى الفرن 
الأحد يناير 22, 2012 9:14 am